واٹس ایپ نے ایک دلچسپ فیچر متعارف کروا دیا
واٹس ایپ میں ایک اور اے آئی فیچر متعارف کرایا گیا ہے جس سے صارفین گروپ چیٹس کی پروفائل فوٹوز تیار کرسکیں گے: رپورٹ میں انکشاف
برطانیہ (مانیٹرنگ ڈیسک) سوشل میڈیا ایپ واٹس ایپ نے اپنے صارفین کے لئے ایک اور دلچسپ فیچر متعارف کروا دیا ہے جس کے بعد صارفین نے خوشی کا اظہار کر دیا ہے۔
انٹرنیشنل میڈیا کے مطابق واٹس ایپ میں ایک اور اے آئی فیچر متعارف کرایا گیا ہے جس سے صارفین گروپ چیٹس کی پروفائل فوٹوز تیار کرسکیں گے۔ WABetaInfo کی رپورٹ کے مطابق یہ نیا فیچر واٹس ایپ کے بیٹا (beta) وریژن میں متعارف کرایا گیا ہے۔ پہلے خیال کیا جا رہا تھا کہ اس فیچر کو صارفین کی پرسنل پروفائل پکچرز کے لیے متعارف کرایا جائے گا۔
رپورٹ کے مطابق صارفین میٹا اے آئی کو استعمال کرکے منفرد گروپ چیٹ پروفائل فوٹوز تیار کرواسکیں گے۔ یہ نیا اے آئی فیچر ان صارفین کے لیے زیادہ مددگار ثابت ہوگا جن کے لیے گروپ کے لیے موزوں تصویر تلاش کرنا مشکل ہوتا ہے۔ اب یہ کام اے آئی ٹیکنالوجی خود ان کی ہدایات کے مطابق مکمل کرے گی خاص طور پر اگر وہ چیٹ گروپ کسی مخصوص تھیم کو مدنظر رکھ کر تیار کیا گیا ہوگا۔
ابھی یہ فیچر محدود صارفین کو دستیاب ہے مگر رپورٹ کے مطابق بہت جلد اسے تمام صارفین کے لیے متعارف کرائے جانے کا امکان ہے۔ رپورٹ میں بتایا گیا کہ واٹس ایپ کی جانب سے میٹا اے آئی انٹر فیس کو بھی زیادہ یوزر فرینڈلی بنایا جا رہا ہے۔ میٹا اے آئی کے نئے انٹرفیس میں مختلف ٹولز تک فوری رسائی کو یقینی بنایا جائے گا۔
