خبردار ،صارفین کا پاس ورڈ اور حساس معلومات چوری ہونے کا انکشاف

اسلام آباد (ٹیکنالوجی ڈیسک )18 کروڑ سے زائدصارفین کے پاس ورڈ، حساس معلومات چوری ہونیکا انکشاف ہوا ہے۔ عالمی ڈیٹا لیک میں گوگل، فیس بک، ایپل سمیت بڑی کمپنیوں کے صارفین متاثر ہوئے۔انسٹاگرام، اسنیپ چیٹ سمیت حکومتی پورٹلز کی معلومات بھی چوری کی گئی ہیں۔ انفوسٹیلر میلویئر سیصارفین کے اکاونٹس کی معلومات چوری کی گئیں۔

نیشنل کمپیوٹرا یمرجنسی رسپانس ٹیم نے ایڈوائزری جاری کردی۔ پاکستانی صارفین کو فوری طور پر اپنے اکاونٹس کے پاس ورڈ تبدیل کرنے کی ہدایت کی گئی ہیں۔ایڈوائزری کے مطابق ڈیٹا لیک سے شناخت چوری، اکاونٹ ہیکنگ اور رینسم ویئر حملوں کاخطرہ ہے، سرکاری اداروں اور مالیاتی اکاونٹس بھی متاثر ہونے کا خدشہ ہے۔

ایڈوائزری کے مطابق صارفین اپنے اکاونٹس کے Two-factor authentication عمل کو فعال کریں، پاکستانی صارفین کو پاس ورڈ منیجر کا استعمال کرنے کا مشورہ دیا گیا ہے۔

پاس ورڈ کبھی ای میل یا غیر محفوظ فائل میں نہ رکھیں۔ صارفین اینٹی وائرس اور سیکیورٹی سافٹ ویئر کو اپ ڈیٹ رکھیں۔ صارفین غیر معمولی لاگ ان کی سرگرمیوں پر نظر رکھیں۔