واٹس ایپ میں ایک اور دلچسپ فیچر کا اضافہ

امریکا (مانیٹرنگ ڈیسک) سوشل میڈیا ایپ واٹس ایپ نے اپنے صارفین کے لئے ایک اور نئے دلچسپ فیچر کا اضافہ کر دیا ہے؟ یہ فیچر کونسا ہے ؟ اس حوالے سے تمام تر تفصیلات سامنے آگئیں۔

انٹرنیشنل میڈیا کے مطابق یہ نیا فیچر اینڈرائیڈ ڈیوائسز کے لیے واٹس ایپ کے بیٹا (beta) ورژن میں متعارف کرایا گیا ہے جو صارفین کے بائیو اسٹیٹس کو زیادہ بہتر اور کارآمد بنائے گا۔ اب اباٹ سیکشن میں پرانے ٹیکسٹ کی بجائے صارفین رئیل ٹائم میں اسٹیٹس اپ ڈیٹس پوسٹ کرسکیں گے جو مخصوص وقت کے بعد خودکار طور پر ڈیلیٹ ہو جائیں گے۔ اس فیچر کا بنیادی مقصد واٹس پروفائل کے اباٹ سیکشن کو زیادہ بہتر بنانا ہے اور صارف اپنے مزاج کے مطابق اپنے بائیو اسٹیٹس کو اپ ڈیٹ کر سکے گا۔ اس فیچر کی بدولت بائیو اسٹیٹس بھی اسٹوریز یا غائب ہو جانے والے میسجز کی طرح عارضی بن جائیں گے۔

رپورٹ کے مطابق صارف اپنی مرضی سے کوئی اسٹیٹس لکھ سکے گا یا پہلے سے تیار لسٹ میں سے کسی ایک کا انتخاب کرسکے گا جس کے بعد وہ یہ تعین کرے گا کہ اس اسٹیٹس کو کب تک برقرار رکھنا ہے۔ اس کے لیے اباٹ اسٹیٹس میں نئی duration سیٹنگ کا اضافہ کیا گیا ہے اور طے شدہ وقت کے بعد واٹس ایپ کی جانب سے اسٹیٹس کو ہٹا دیا جائے گا۔ رپورٹ میں بتایا گیا کہ اس فیچر سے پروفائل اسٹیٹس زیادہ بامقصد بن نائیں گے اور صارفین مختصر وقت کے لیے کسی پیغام کو استعمال کرسکیں گے، جیسے ان اے میٹنگ، آن ویکیشن یا بیک ان 1 آور وغیرہ۔