برطانیہ (مانیٹرنگ ڈیسک) یوٹیوب میں ایک نیا اور حیران کن فیچر کو متعارف کروایا گیا ہے یہ فیچر کونسا ہے اور اس سے صارفین کو کیا فائدہ ہوا؟ اس حوالے سے تمام تر تفصیلات منظر عام پر آگئی ہے۔
انٹرنیشنل میڈیا کے مطابق ویڈیو شیئرنگ پلیٹ فارم نے اس مسئلے کو تسلیم کرتے ہوئے ایک نئے فیچر یور کاسٹیوم فیڈ کی آزمائش شروع کی ہے۔ اس نئے فیچر کا مقصد جھنجھلاہٹ کے شکار صارفین کی مدد کرنا ہے جو الگورتھم پر مبنی سفارشات یا ریکومینڈیشنز سے تنگ رہتے ہیں۔ یوٹیوب الگورتھم اکثر صارفین کی دلچسپی کا غلط اندازہ لگاتا ہے۔
مثال کے طور پر اگر آپ نے کسی موضوع پر چند ویڈیوز دیکھی ہوں تو اس پلیٹ فارم کو لگتا ہے کہ آپ اسے پسند کرتے ہیں، جس کے نتیجے میں اس سے ملتا جلتا مواد بہت زیادہ نظر آنے لگتا ہے، جبکہ آپ اس کو دیکھنا نہیں چاہتے۔ جن صارفین کو یہ فیچر ابھی دستیاب ہے، وہ یوٹیوب کے ہوم پیج پر ہوم بٹن کے برابر یور کاسٹیوم فیڈ کو دیکھ سکتے ہیں۔ اس پر کلک کرنے پر آپ وہاں اپنی دلچسپی پر مبنی مواد کے بارے میں ہدایات دے سکتے ہیں۔
یہ فیچر آپ کو اپنے مواد سے لیس فیڈ تیار کرنے میں مدد کرے گا۔ مثال کے طور پر اگر آپ کھانا پکانے کی ویڈیوز زیادہ دیکھنا چاہتے ہیں تو اس بارے میں کاسٹیوم فیڈ میں ٹائپ کریں، یوٹیوب کی جانب سے مستقبل میں اس سے ملتا جلتا مواد زیادہ دکھایا جائے گا۔ یہ فیچر صارفین کے لیے گیم چینجر ثابت ہوگا کیونکہ انہیں یوٹیوب ویڈیوز پر بار بار ناٹ انٹرسٹڈ یا ڈونٹ ریکومینڈ چینل آپشنز پر کلک کرنے کی ضرورت نہیں ہوگی۔
