نیوائیر نائٹ کا سیکیورٹی پلان تیار ،خلاف ورزی پر مقدمہ درج ہو گا

لاہور (کھوج نیوز )لاہور پولیس نے نیو ائیر نائٹ کے لیے سیکیورٹی پلان تیار کر لیا ۔ ہوائی فائرنگ ، ون ویلنگ ، ریس لگانے ، روڈ بلاک کرنے اور ہلربازی پر پابندی ہو گی۔ قانون کی خلاف ورزی کرتا ہوا کوئی بھی پکڑا گیا تو مقدمہ درج کر کے حوالات میں ڈالا جائے گا ۔ پولیس کے دس ہزار سے زائد اہلکار نیو ائیر نائٹ پر سیکورٹی فرائض سر انجام دیں گئے ۔ فیملز اور خواتین کے لیے سپیشل لیڈی اہلکار تعینات ہوں گئی ۔ شہر کی تمام شاہراہوں پر پولیس کے ناکہ جات ہوں گئے ۔ موٹر سائیکل سوار منچلوں کے لیے ڈولفن فورس پٹرولنگ پر مامور کو گی ۔ روڈ بلاک کرنے اور ٹریفک میں خلل ڈالنے والوں کے ساتھ آہنی ہاتھوں سے نمٹا جائے گا ۔ پولیس نے سابق ریکارڈ یافتہ ون ویلز کی لسٹیں بھی مرتب کر لی ہیں۔