ٹروجن بینکرز کے حملوں میں خطرناک اضافہ، اسمارٹ فون صارفین محتاط رہیں

امریکہ(مانیٹرنگ ڈیسک)ٹیکنالوجی کی ترقی کے ساتھ سائبر حملوں میں بھی تیزی سے اضافہ ہو رہا ہے۔ ایک حالیہ رپورٹ کے مطابق، ٹروجن بینکرز (Trojan Bankers) کے حملوں میں سال 2024 کے دوران 196 فیصد اضافہ دیکھا گیا ہے۔ یہ خطرناک وائرس خاص طور پر اسمارٹ فون صارفین کو نشانہ بنا کر ان کی بینکاری معلومات چرا رہا ہے۔

ٹروجن بینکرز کیا ہیں؟
ٹروجن بینکرز ایک قسم کا میلویئر (Malware) ہے جو صارفین کے بینک اکاؤنٹس، کریڈٹ کارڈز اور دیگر مالیاتی تفصیلات چرا کر سائبر مجرموں تک پہنچاتا ہے۔ یہ وائرس عموما جعلی ایپس، فشنگ لنکس اور مشکوک ویب سائٹس کے ذریعے فونز میں داخل ہوتا ہے۔

یہ وائرس کیسے کام کرتا ہے؟
یہ میلویئر آپ کے موبائل پر انسٹال ہونے کے بعد آپ کے بینکنگ ایپس پر نظر رکھتا ہے اور جیسے ہی آپ لاگ ان کرتے ہیں، یہ آپ کی معلومات ہیکرز کو بھیج دیتا ہے۔ کچھ جدید ٹروجن بینکرز اتنے خطرناک ہو چکے ہیں کہ وہ او ٹی پی (OTP) اور ٹو فیکٹر آتھنٹیکیشن (2FA) کو بھی بائی پاس کر سکتے ہیں۔

صارفین کے لیے احتیاطی تدابیر
ماہرین نے اسمارٹ فون صارفین کو درج ذیل حفاظتی تدابیر اپنانے کا مشورہ دیا ہے:

نامعلوم ذرائع سے ایپس ڈان لوڈ نہ کریں: صرف گوگل پلے اسٹور یا ایپل ایپ اسٹور سے مستند ایپس انسٹال کریں۔

کسی بھی مشکوک لنک پر کلک نہ کریں: ای میلز اور میسجز میں دیے گئے نامعلوم لنکس پر نہ جائیں۔

دوہری تصدیق (2FA) کو فعال رکھیں: اپنے بینکنگ اکاؤنٹس پر اضافی سیکیورٹی لگائیں۔

فون اور ایپس کو اپڈیٹ رکھیں: ہمیشہ اپنا موبائل آپریٹنگ سسٹم اور ایپس جدید ورژن پر رکھیں۔

مضبوط پاس ورڈ استعمال کریں: ایک ہی پاس ورڈ کو کئی جگہ استعمال کرنے سے گریز کریں۔
اے وی سافٹ ویئر استعمال کریں: اپنے فون پر قابل اعتماد اینٹی وائرس انسٹال کریں۔

ٹروجن بینکرز کے بڑھتے ہوئے حملے اس بات کی نشاندہی کرتے ہیں کہ سائبر سیکیورٹی آج کے ڈیجیٹل دور میں نہایت اہم ہو چکی ہے۔ صارفین کو ہوشیار اور محتاط رہنے کی ضرورت ہے تاکہ وہ اپنے قیمتی بینکاری ڈیٹا کومحفوظ رکھے سکیں گے۔