واٹس ایپ نے ایک نیا فیچرمتعارف کروا دیا

کیلیفورنیا(ٹیکنالوجی ڈیسک) دنیا کی مقبول ترین میسجنگ ایپلیکیشن واٹس ایپ نے ایک نیا فیچر متعارف کرانے کا اعلان کیا ہے، جس کے تحت صارفین اپنی پسندیدہ میوزک کو براہ راست اسٹیٹس پر شیئر کر سکیں گے۔ یہ فیچر ان افراد کے لیے خاص طور پر مفید ہوگا جو اپنی موسیقی کی پسند دوسروں کے ساتھ بانٹنا چاہتے ہیں۔

واٹس ایپ کے ترجمان کے مطابق، اس اپ ڈیٹ کا مقصد صارفین کے اسٹیٹس کے تجربے کو مزید دلچسپ اور انٹرایکٹیو بنانا ہے۔ اس نئے فیچر کے ذریعے صارفین نہ صرف اپنے پسندیدہ گانوں کو شیئر کر سکیں گے بلکہ وہ مخصوص پس منظر یا امیجز بھی شامل کر سکیں گے، جس سے اسٹیٹس زیادہ پرکشش نظر آئیں گے۔

ابتدائی طور پر یہ فیچر چند منتخب صارفین کے لیے دستیاب ہوگا اور بعد میں اسے عالمی سطح پر متعارف کرایا جائے گا۔ ماہرین کا کہنا ہے کہ واٹس ایپ کے اس نئے اقدام سے پلیٹ فارم کی مقبولیت میں مزید اضافہ ہوگا اور صارفین کے لیے سوشل شیئرنگ کے نئے امکانات پیدا ہوں گے۔

یہ فیچر جلد ہی اینڈرائیڈ اور آئی او ایس صارفین کے لیے جاری کر دیا جائے گا، جبکہ کمپنی مزید بہتری کے لیے مسلسل تجربات کر رہی ہے تاکہ صارفین کو بہترین سروس فراہم کی جاسکے۔