اسلام آباد(کھوج نیوز) جمعیت علماء اسلام (ف) کے سربراہ مولانا فضل الرحمن کی کمال ہی چالاکیاں، پیپلز پارٹی کے بعد اب پاکستان تحریک انصاف سے بھی ہاتھ ملا لیا ہے۔
تفصیلات کے مطابق پاکستان تحریک انصاف کا وفد اسلام آباد میں مولانا فضل الرحمان کی رہائش گاہ پہنچا، وفد میں سابق اسپیکر اسد قیصر، صوبائی صدر جنید اکبر،شہرام ترکئی شامل تھے ملاقات میں جے یو آئی کے مولانا صلاح الدین ایوبی، جلال الدین ایڈووکیٹ، مولانا اسجد محمود بھی شریک ہوئے۔ جے یو آئی کے اعلامیے کے مطابق ملاقات میں ملکی سیاسی اور خطے کی صورتحال پر گفتگو ہوئی۔ پی ٹی آئی وفد نے خیبرپختونخواہ میں پی ٹی آئی کے قومی جرگہ کی تجویز پر مولانا فضل الرحمان سے مشاورت کی۔ مولانا فضل الرحمان نے قومی جرگہ کی تجویز کا خیر مقدم کیا۔ اعلامیے کے مطابق پی ٹی آئی وفد نے مولانا فضل الرحمان سے پارلیمنٹ میں اپوزیشن کو متحد کرنے کے لیے کردار ادا کرنے کی اپیل کی۔ ملاقات میں محمود خان اچکزئی کے بطور اپوزیشن لیڈر نامزدگی پر بھی اتفاق کیا گیا۔
