جمائما نے اپنے بیٹے کا سوشل میڈیا اکائونٹ جعلی قرار دیدیا

برطانیہ(مانیٹرنگ ڈیسک) سابق وزیراعظم عمران خان کی سابقہ اہلیہ جمائما گولڈ اسمتھ نے پی ٹی آئی کی انتخابی مہم کیلئے بیٹے کے نام سے بنائے جانے والے جعلی سوشل میڈیا اکاؤنٹ سے خبردار کر دیا۔

تفصیلات کے مطابق جمائما گولڈ اسمتھ نے سوشل میڈیا پر بیان جاری کرتے ہوئے کہا کہ پی ٹی آئی کی انتخابی مہم کیلئے ہمارے بیٹے کے نام سے بنائے جعلی ایکس اکاؤنٹ سے کوئی تعلق نہیں ہے۔ انہوں نے اپیل کی کہ فالو کرنے والے جعلی ایکس اکانٹ سے متعلق رپورٹ کریں۔ واضح رہے کہ جعلی اکاؤنٹ جمائما گولڈ اسمتھ کے بیٹے قاسم خان کے نام سے چلایا جا رہا ہے۔