غزہ میں فوری جنگ بندی کا معاملہ، اقوام متحدہ کی سلامتی کونسل میں قرارداد منظور

نیویارک(مانیٹرنگ ڈیسک) غزہ میں فوری جنگ بندی کے معاملے پر اقوام متحدہ کی سلامتی کونسل میں قرارداد منظور کرلی گئی ہے، سلامتی کونسل کے 15میں سے 14ارکان نے قرارداد کی حمایت کی۔

انٹرنیشنل میڈیا کے مطابق غزہ کی پٹی میں جنگ بندی کی قرارداد پر رائے شماری کے لیے سلامتی کونسل کا اجلاس آج ہوا جس میں قرارداد کو منظور کرلیا گیا۔ فوری جنگ بندی کی قراردادسلامتی کونسل کے10 رکن ممالک نے پیش کی۔ قرارداد پیش کرنے والے ممالک میں الجزائر، جاپان، ایکواڈور ، سوئٹزرلینڈ، جنوبی کوریا، مالٹا اور دیگر ممالک شامل تھے۔ سلامتی کونسل کے15میں سے 14 ارکان نے قراردادکی حمایت کی جب کہ امریکا نے غزہ میں جنگ بندی کی قرارداد پر ووٹنگ میں حصہ نہیں لیا۔