نگرنگرسے
انتظامیہ کی غفلت و لاپرواہی، 6 سالہ بچہ کھلے گٹر میں گر کر جاں بحق
گٹر میں تیز بہاؤ کی وجہ سے لاش بہہ کرکورنگی پل کے نیچے نالے تک پہنچ گئی' بچے کی نعش جائے وقوعہ سے تقریبا 2 کلو میٹر دور سے ملی ہے: پولیس کا مؤقف
کراچی (کھوج نیوز) کراچی کے علاقہ شاہ فیصل کالونی میں انتظامیہ کی غفلت و لاپرواہی کے باعث 6سالہ بچہ کھلے گٹر میں گر کر جاں بحق ہوگیا جس کے بعد پولیس کے مقدمہ درج کر لیا۔
تفصیلات کے مطابق ریسکیو حکام کے مطابق بچے کے کھلے گٹر میں گرنے کا واقعہ کراچی کے علاقہ شاہ فیصل کالونی 2 نمبر میں پیش آیا۔ گٹر میں تیز بہاؤ کی وجہ سے لاش بہہ کرکورنگی پل کے نیچے نالے تک پہنچ گئی۔ پولیس کے مطابق بچے کی نعش جائے وقوعہ سے تقریبا 2 کلو میٹر دور سے ملی ہے۔ ایمبولینس سروس کے عملے نے 2 گھنٹے کی جدوجہد کے بعد بچے کی لاش گٹر سے نکالی۔ ایمبولینس سروس کا عملہ سیفٹی کٹ اور آکسیجن ماسک کے بغیر گٹر میں اترا۔ 6 سالہ عباد محمود آباد سے ماموں کی شادی میں شاہ فیصل کالونی کے شادی ہال میں آیا تھا، باہر نکلا تو کھلے گٹر میں گرگیا۔
