لاہور پولیس کی بڑی کارروائی ، دو کانسٹیبل گرفتار

لاہور(کھوج نیوز)لاہور پولیس نے بڑی کارروائی کرتے ہوئے اپنے ہی محکمے کے منشیات میں ملوث افراد کو پکڑ لیا۔ منشیات اسمگلنگ میں ملوث پولیس کانسٹیبل طارق اور عثمان کو ساتھی سمیت گرفتار کرلیا گیا ۔

ایس پی کینٹ کا کہنا ہے کہ ملزمان سے 2 کروڑ مالیت کی ساڑھے 6 کلو سے زائد اعلی کوالٹی کی ہیروئن برآمد ہوئی ہے ۔ایس پی کینٹ کا کہنا ہے کہ پولیس نے ملزمان سے ڈرون کیمرہ، نقدی، ویٹ مشین اور دیگر اشیا برآمد کیں ہیں۔ایس پی کینٹ کا کہنا ہے کہ ملزمان کا مفرور ساتھی شعیب بھی پولیس کانسٹیبل ہے،اور پولیس کانسٹیبل ڈولفن فورس اور کینٹ سرکل میں تعینات ہیں،اہلکار یونیفارم اور سرکاری وسائل استعمال کرکے منشیات اسمگلنگ کرتے تھے۔