شہر کے راستے بند ،شہریوں کو مشکلات کا سامنا

کراچی(کھوج نیوز) شہر میں ہیوی ٹریفک جلائے جانے کے واقعات کے خلاف ٹرانسپورٹرز احتجاج پر اتر آئے۔تفصیلات کے مطابق ٹرانسپورٹرز نے احتجاج کرتے ہوئے شہر کے داخلی راستے بند کردیے جس کے باعث پورٹ قاسم، حب چوکی اور نیو سبزی منڈی کے مقام پر سڑک بند کردی گئی ۔جب کہ ٹرانسپورٹر نے حکومت سے تحفظ فراہم کرنے کا مطالبہ کیا ہے۔ٹرانسپورٹرز کے احتجاج کے باعث مرکزی شاہراہ بند ہونے سے دیگر شہروں سے کراچی آنے والوں کو مشکلات کا سامنا ہے۔

دوسری جانب ڈمپر اور ٹینکرز جلائے جانے کے واقعات پر وزیر داخلہ نے ایڈیشنل آئی جی سے رپورٹ طلب کرلی۔