کوئٹہ (کھوج نیوز) بلوچستان کے دارالحکومت کوئٹہ میں زلزلے کے جھٹکے محسوس کیے گئے جس کے بعد شہریوں میں خوف وہراس پھیل گیا اور شہری اللہ کے نام کا ورد کرتے ہوئے گھروں سے باہر نکل آئے۔
تفصیلات کے مطابق بلوچستان کے درالحکومت کوئٹہ میں زلزلے کے جھٹکے محسوس کیے گئے۔ زلزلہ پیما مرکز کے مطابق زلزلے کی شدت2.4 اور گہرائی 10 کلو میٹر ریکارڈ کی گئی۔ زلزلے کا مرکز کوئٹہ سے 38 کلو میٹر شمال مغرب میں تھا۔ کوئٹہ میں زلزلے کے باعث فی الحال کسی قسم کے جانی اور مالی نقصان کی اطلاع نہیں ملی ہے۔
