کورونا پھیلنے کے متعلق خبروں پر حکومت بھی میدان میں آگئی

کراچی (کھوج نیوز) ایک بیان میں وزیر صحت سند ھ ڈاکٹر عذرا پیچو ہو کا کہناتھا کہ کراچی میں کورونا پھیلنے کی خبر غلط ہے۔ انہوں نے کہا کہ 100 افراد کے کورونا ٹیسٹ ہوئے، جن میں 7 میں کورونا مثبت آیا ہے۔ڈاکٹر عذرا پیچوہو کا کہنا ہے کہ موسمی فلو اور انفلوئنزا میں مبتلا لوگوں کا احتیاطا کورونا ٹیسٹ کروایا گیا تھا، کورونا پوزیٹیو لوگوں میں فلو کی بہت ہلکی علامات تھیں۔ ان کا کہنا تھا کہ کورونا میں مبتلا افراد کو ہلکی علامات کے سبب گھر بھیج دیا گیا تھا،دنیا بھر میں اب کورونا کو فلو کی طرح ہی ٹریٹ کیا جاتا ہے ۔ان کا مزید کہنا تھا کو رونا اب موسمی فلو کی طرح ہے اس سے گھبرانے کی ضرورت نہیں ۔