کسی چیز کو چھونے سے بجلی کا جھٹکا کیوں لگتا ہے اور اس سے بچا کیسے جا سکتا ہے ؟

لاہور(کھوج نیوز) اکثر کوئی فرد کسی چیز کو چھوتا ہے تو اسے ہلکا سے بجلی کا جھٹکا محسو س ہوتا ہے اور خاص طور پر سردیوں میں ،لیکن ایسا کیوں ہوتا ہے ؟دراصل اس کی وجہ کچھ یوں ہے کہ ہمارے ارگرد ہر چیز ایٹمز سے بنی ہوتی ہے اور ان میں انسانی جسم بھی شامل ہے، یہ ایٹمز پروٹون، الیکٹرون اور نیوٹرون کا امتزاج ہوتے ہیں۔ان میں سے ہر ایک میں بالترتیب پوزیٹیو، نیگیٹو یا نیوٹرل چارج ہوتا ہے، اگرچہ ایٹمز میں ان تینوں ذرات کی تعداد متوازن ہوتی ہے، تاہم الیکٹرونز ہر وقت ایک سے دوسری جگہ سفر کرتے رہتے ہیں۔یعنی وہ فرنیچر سے ہمارے ملبوسات میں منتقل ہوسکتے ہیں اور وہاں سے ہاتھ ملانے پر کسی دوسرے فرد کو بجلی کا ایک ہلکا سے جھٹکا دے سکتے ہیں۔

جب الیکٹرون اور پروٹون میں توازن برقرار نہیں رہتا تو نیگیٹو اور پازیٹو توانائی میں عدم توازن پیدا ہوتا ہے، جسے سائنسدان اسٹیٹک الیکٹرسٹی (ایسی برقی توانائی جو برقی رو کی صورت میں رواں نہ ہو) کہتے ہیں۔مثال کے طور پر اگر آپ اپنے بالوں پر غبارے کو رگڑیں تو آپ زیادہ الیکٹرونز اپنے اندر جمع کر رہے ہوتے ہیں، اس کے کچھ دیر بعد کسی پازیٹو چارج والی شے جیسے دھاتی چیز یا کوئی بھی ایسی چیز جو کنڈکٹو میٹریل سے بنی ہو، تو بجلی کے ہلکے سے جھٹکے کا احساس ہوسکتا ہے۔یہ وہ الیکٹرونز ہوتے ہیں جو ایک سے دوسری جگہ منتقل ہونے پر توازن بحال کرنے کی کوشش کر رہے ہوتے ہیں۔

ایسا تجربہ سرد موسم میں زیادہ ہوسکتا ہے یا ایسی جگہوں پر جہاں موسم خشک اور سرد ہو اور نمی 20فیصد سے کم ہو ، کیونکہ ہوا میں زیادہ نمی قدرتی کنڈکٹر کا کام کرتی ہے اور اس طرح کے ہلکے برقی رو کی روک تھام کرتی ہے۔مگر اس بجلی کے جھٹکے سے ہمیں نقصان نہیں ہوتا لیکن انسان تھوڑا بے تکلف ہو جاتا ہے ۔ماہرین نے اس نے بچنے کے لیے کچھ تدبیریں بتائی ہیں ۔

گھر میں آپ موٹے تلوں والے جوتوں کا استعمال نہ کریں ،ننگے پاؤں ہونے سے جھٹکے سے بچا جا سکتا ہے ۔دوسرا اگر آپ خاص طور پر خشک ماحول میں ہیں جہاں نمی 20فیصد سے کم ہے تو ہیومیڈیفائر کا استعمال کریں۔نایلان اور پولسٹر کے کپڑوں سے اجتناب کریں ۔اگر آپ گاڑی میں ہیں تو گاڑی کی لوہے کی فریم کو پکڑنے کے بجائے پلاسٹک کی فریم کو پکڑیں ۔اگر آپ کے لمبے بال ہیں تو برش کرنے کی جگہ گنگی کا استعمال کریں۔