سابق امریکی سفیررچرڈ اولسن کو عدالت سےکتنی سزا دی گئی؟
سابق سفیر رچرڈ اولسن جیل جانے سے بچ گئے۔ امریکی عدالت کی طرف سے اولسن کو پروبیشن پر رکھنے کی ہدایت کی گئی ہے۔
واشنگٹن(ویب ڈیسک)سابق امریکی سفیررچرڈ اولسن کو عدالت سےکتنی سزا دی گئی؟ رپورٹس کے مطابق پاکستان میں امریکا کے سابق سفیر رچرڈ اولسن جیل جانے سے بچ گئے۔ امریکی عدالت کی طرف سے اولسن کو پروبیشن پر رکھنے کی ہدایت کی گئی ہے۔ سابق امریکی سفیر کو عدالت کی طرف سے جرمانہ بھی عائد کیا گیا، ان کو قید کی سزا نہیں دی گئی۔ غیر ملکی میڈیا کے مطابق 63 سالہ اولسن امریکی عدالت میں جمعے کو پیش ہوئے، گزشتہ سال انہوں نے 2 جرائم کا اعتراف کیا تھا۔
انہوں نے ریٹائرمنٹ کے ایک سال کے اندر قطر کے لیے لابنگ کرنے اور تیسرے فریق سے ملنے والے سفری فوائد کو ظاہر کرنے میں ناکام رہنے کا اعتراف کیا۔ میڈیا رپورٹس کے مطابق اولسن کو 6 ماہ تک کی قید ہو سکتی تھی، بظاہر امریکا کے لیے ان کی خدمات اور پلی بارگین نے قید کو روکا۔ رچرڈ اولسن 2016 میں محکمۂ خارجہ سے ریٹائر ہوئے، ان کا کیریئر 34 سال تک محیط رہا۔
