اسرائیلی وزیراعظم کی گرفتاری کا معاملہ، برطانیہ نے بھی پناہ دینے سے انکار کر دیا

برطانیہ (مانیٹرنگ ڈیسک) عالمی عدالت انصاف کے فیصلے پراسرائیلی وزیراعظم کی گرفتاری کے معاملہ پر برطانیہ نے بھی بڑا اعلان کرتے ہوئے اس کو پناہ دینے سے انکار کر دیا ہے۔

انٹرنیشنل میڈیا کے مطابق برطانوی حکومت نے واضح کیا ہے کہ عالمی عدالت انصاف کے فیصلے کے بعد اگر اسرائیلی وزیراعظم برطانیہ آئے تو انہیں گرفتار کیا جائے گا۔ برطانوی حکومت کے ترجمان نے واضح کیا کہ برطانیہ قوانین پرعملدرآمد کرنے والا ملک ہے اور وہ ہر اس فیصلے پر عمل کرے گا جو عدالتوں کی طرف سے احکامات جاری ہوئے۔ انہوں نے کہا کہ برطانوی حکومت عالمی فوجداری کی جانب سے اسرائیلی وزیراعظم کے وارنٹ گرفتاری کے سلسلے میں اپنی قانونی ذمہ داریاں پوری کرے گی۔ ترجمان نے واضح کیا کہ اگر نیتن یاہو نے برطانیہ کا دورہ کیا تو انہیں کوئی رعایت نہیں دی جائے گی بلکہ عدالت احکامات کی روشنی میں گرفتار کیا جائے گا۔ اعلامیے میں واضح کیا گیا ہے کہ برطانیہ ہمیشہ اپنی قانونی ذمہ داریوں کی تعمیل کرے گا۔