اپوزیشن کا صدر کے مواخذے کا اعلان

سیئول( مانیٹر نگ ڈیسک ) جنوبی کوریا میں اپوزیشن نے قائم مقام صدر ہان ڈک سو کے مواخذیکا بھی اعلان کر دیا۔ معزول صدر کے خلاف تحقیقات کیلئے بلز پر دستخط سے انکار پر اپوزیشن نے قائم مقام صدر ہان ڈی سو کے مواخذیکا اعلان کیا۔اپوزیشن جماعت ڈیموکریٹک پارٹی نے دو خصوصی بل کی منظوری کیلئے کرسمس تک ڈیڈ لائن دی تھی، بلوں میں معزول صدر یون کے مارشل لا اور ان کی اہلیہ پر بدعنوانی کے الزامات کی تحقیقات کا مطالبہ کیا گیا ہے۔

اس حوالے سے اپوزیشن کا کہنا ہے کہ دو آزاد تحقیقاتی ادارے معزول صدر یون کے مارشل لا اور خاتون اول کے مبینہ رشوت کے معاملات کی چھان بین کریں۔قائم مقام صدر ہان ڈی سو نے کابینہ اجلاس میں اپوزیشن کا مطالبہ مسترد اور بلز کیلئے اتفاق رائے پر زور دیا۔اپوزیشن رہنماں کا کہنا ہے لگتا ہے کہ ہان ڈی سو کارروائیوں میں تاخیر کے ذریعے بغاوت جاری رکھنے کا ارادہ رکھتے ہیں، ہم فوری طور پر قائم مقام صدر ہان ڈی سو کے مواخذے کی کارروائی شروع کریں گے۔