بوکھلاہٹ میں ایک اور انوکھا قدم، مودی سرکار تماشا بن گئی

نیو دہلی (مانیٹرنگ ڈیسک) پہلگام حملے کے بعد بھارت بوکھلاہٹ کا شکار ہے اور اس نے ایسی بوکھلاہٹ میں ایک اور انوکھا قدم اٹھایا ہے جس کے بعد مودی سرکار تماشا بن گئی ہے۔

انٹرنیشنل میڈیا کے مطابق بھارت نے پہلگام کے بے بنیاد واقعے کو جواز بناتے ہوئے پہلے آبی جارحیت کرتے ہوئے پاکستان سے سندھ طاس معاہدہ یکطرفہ طور پر ختم کرنے کا اعلان کیا اور پھر بھارت نے پاکستان سے تمام اشیا کی براہ راست یا بالواسطہ درآمد پر پابندی لگا دی۔

اب بھارت نے پاکستانی پرچم والے بحری جہازوں کے داخلے پر پابندی لگادی۔ڈائریکٹریٹ جنرل شپنگ ممبئی کا کہنا ہے کہ پاکستانی پرچم والے بحری جہاز کی بھارت کی کسی بھی بندرگاہ میں داخلے پر پابندی ہو گی اور بھارتی پرچم والا کوئی جہاز پاکستان کی کسی بندرگاہ کا دورہ نہیں کرے گا۔