ٹیکساس میں طوفانی بارشیں، سینکڑوں ہلاکتیں، متعدد لاپتہ

امریکا (مانیٹرنگ ڈیسک) امریکی ریاست ٹیکساس میں طوفانی بارشوں اور سیلاب سے سینکڑوں ہلاک ہو گئے ہیں جبکہ متعدد افراد تاحال لاپتہ ہیں جس کی تلاش تاحال جاری ہے۔

انٹرنیشنل میڈیا کے مطابق ٹیکساس میں گزشتہ ایک ہفتے سے جاری طوفانی بارشوں اور سیلاب کی وجہ سے نظام زندگی شدید متاثر ہے جب کہ طوفان کے باعث ہلاکتوں کی تعداد اب 120 تک پہنچ گئی ہے۔ میڈیا کے مطابق سیلاب کے بعد امدادی کارروائیاں جاری ہیں تاہم اب بھی 170 سے زائد لوگ لاپتا ہیں جن کی تلاش جاری ہے۔ رپورٹ کے مطابق بارشوں اور سیلاب سے کیر کانٹی کا علاقہ سب سے زیادہ متاثر ہوا ہے جہاں سے اب تک 96 لاشیں برآمد ہوئی ہیں جن میں 36 بچے بھی شامل ہیں۔