آئی ایم ایف کا نیا پروگرام، حکومت پریشان، پاکستانیوں کیلئے جینا حرام

اسلام آباد(کھوج نیوز) عالمی مالیاتی فنڈ (آئی ایم ایف) نے نئے پروگرام کے لئے پاکستان سے مزید اقدامات کا مطالبہ کر دیا جس کے بعد حکومت پریشان ہو گئی اور پاکستانیوں کیلئے جینا حرام ہوگیا ہے۔

تفصیلات کے مطابق ذرائع نے بتایا ہے کہ آئی ایم ایف اور پاکستان کی معاشی ٹیم کے درمیان ہونے والے مذاکرات میں وزارت خزانہ، توانائی اور ایف بی آر حکام نے شرکت کی۔آئی ایم ایف حکام کو وفاقی وزیرتوانائی مصدق ملک نے بریفنگ دی جس میں حکومت کی جانب سے آئی ایم ایف کو بجلی اور گیس کے گردشی قرض منجمد رکھنے کی یقین دہانی کرائی گئی ہے جبکہ آئی ایم ایف نے بجلی و گیس چوری ختم کرنے کے لیے ٹھوس اقدامات کا مطالبہ کیا ہے۔

ذرائع نے بتایا ہے کہ آئی ایم ایف نے حکومتی شعبے میں 4 بڑے پلانٹس کو مکمل استعداد پر چلانے کا مطالبہ کیا ہے۔ آئی ایم ایف نے ایف بی آر میں ڈیجیٹلائزیشن تیزی سے مکمل کرنے کا بھی مطالبہ کیا ہے۔ آئی ایم ایف نے حکومتی ڈسکوز کی انتظامیہ نجی شعبے کو دینے کا ٹائم فریم مانگ لیا ہے۔ آئی ایم ایف نے زیادہ نقصانات والے علاقوں میں بجلی بل وصولی آؤٹ سورس کرنے کا مشورہ دیا ہے۔ آئی ایم ایف نے کیپٹوپاورپلانٹس کو مقامی گیس فراہمی بند کرنے کا بھی مطالبہ کیا ہے۔