خیبرپختونخوا اور بلوچستان میں امن و امان کی صورتحال کا معاملہ، الیکشن کمیشن نے اہم اجلاس طلب کر لیا

اسلام آباد(کھوج نیوز) الیکشن کمیشن آف پاکستان نے خیبرپختونخوا (کے پی) اور بلوچستان میں امن و امان کی صورتحال کے معاملہ کو دیکھتے ہوئے کل اہم اجلاس طلب کر لیا ہے۔

تفصیلات کے مطابق ترجمان الیکشن کمیشن کا کہنا ہے کہ اجلاس کل سہہ پہر تین بجے ہوگا جس میں نگران وفاقی وزیرداخلہ، سیکرٹری داخلہ، خیبرپختونخوا اور بلوچستان کے چیف سیکرٹری شریک ہوں گے ۔ دونوں صوبوں کے آئی جیز اور انٹیلی جنس ایجنسیوں کے نمائندے بھی اجلاس میں مدعو ہیں۔ خیال رہے کہ بلوچستان میں کوئٹہ اور ضلع کیچ میں پیپلز پارٹی کے امیدواروں کے گھر اور انتخابی دفتر پر دستی بم حملے کیے گئے جن میں 5 افراد زخمی ہوگئے۔