سندھ حکومت نے تمام محکموں میں بھرتیوں پر عائد پابندی ختم کر دی

کراچی(کھوج نیوز) سندھ حکومت نے تمام محکموں میں بھرتیوں پر عائد پابندی ختم کردی’ یہ فیصلہ وزیراعلیٰ سندھ مراد علی شاہ کی زیر صدارت ہونے والے کابینہ اجلاس میں کیا گیا ہے۔

تفصیلات کے مطابق ترجمان سندھ حکومت کے مطابق وزیر اعلیٰ نے ہدایت کی کہ وزیر قانون اور ایڈووکیٹ جنرل عدالتوں میں بھی بھرتیوں پرپابندی کو ختم کرائیں۔ وزیر اعلیٰ نے بتایا کہ کراچی واٹر اینڈ سیوریج کے حوالے سے ڈونر ایجنسیز کے تعاون سے 100 ملین ڈالر کے منصوبے شروع کیے گئے ہیں، منصوبے صاف پانی کی فراہمی اور واٹربورڈ کے انفرااسٹرکچر کو بہتربنانے کے لیے ہیں۔ وزیر اعلیٰ سندھ کے مطابق منصوبے کی مجموعی لاگت کا 40 فیصد ورلڈ بینک ادا کرے گا جب کہ 40 فیصد ایآئی آئی بی اور 20 فیصد سندھ حکومت ادا کریگی۔