ڈاکٹر یاسمین راشد کی طبیعت ناساز، اسپتال منتقل

لاہور (ہیلتھ رپورٹر، مانیٹرنگ ڈیسک) جناح ہاؤس حملے میں نامزد سابق صوبائی وزیر و پاکستان تحریک انصاف کی رہنماء ڈاکٹر یاسمین راشد کی طبیعت ناساز ہوگئی جس کے ان کو اسپتال منتقل کر دیا۔

تفصیلات کے مطابق پاکستان تحریک انصاف کی رہنماء ڈاکٹر یاسمین راشد جو جناح ہائوس حملہ کیس میں نامزد ہیں ان کی طبیعت ناساز ہو گئی اور ان کو طبی امداد کے لئے فوری مقامی اسپتال میں شفٹ کر دیا گیا ۔ واضح رہے کہ ڈاکٹر یاسمین راشد نے جیل حکام کو شکایت کی تھی کہ ان کو دل کی تکلیف ہے جس کے بعد جیل حکام نے انہیں پنجاب انسٹیٹیوٹ آف کارڈیالوجی شفٹ کر دیا تھا ۔ اسپتال کے ڈاکٹروں نے یاسمین راشد کا مکمل معائنہ کیا اور پی آئی سی میں ان کا ایکوکارڈیوگرافی ٹیسٹ بھی کیا جس کے بعد ڈاکٹر یاسمین راشد کو 2گھنٹے تک اسپتال میں ہی رکھا گیا اور ایکو ٹیسٹ ٹھیک آنے کے بعد ان کو دوبارہ واپس جیل بھجوا دیا گیا ہے۔