سردار سلیم حیدر کی بطور گورنرپنجاب نامزدگی، مخدوم احمد محمود کا استعفیٰ

لاہور(کھوج نیوز) پیپلز پارٹی جنوبی پنجاب کے صدر اور اہم رہنماء مخدوم احمد محمود کے استعفیٰ کی وجہ سامنے آگئی۔ ذرائع نے بتایا ہے کہ پاکستان پیپلز پارٹی نے پنجاب کے گورنر کے لئے مخدوم احمد محمود کو یقین دہانی کروائی تھی تاہم دو روز قبل مسلم لیگ ن کے سابق وزیر داخلہ چوہدری نثار علی خان کے قریبی رشتہ دار سردار سلیم حیدر کو گورنر پنجاب کے عہدہ کے لئے نامزد کر دیا گیا ہے۔ واضح ہو کہ سردار سلیم حیدر کی بطور گورنر پنجاب تقرری پر پاکستان پیپلز پارٹی کے چیئرمین بلاول بھٹو زرداری کی منظوری کے بعد ہوئی جس پر مخدوم احمد محمود نے احتجاجاً صدر پیپلز پارٹی جنوبی پنجاب کے عہدہ سے استعفیٰ دے دیا۔