عمران خان کا نوازشریف سے رابطہ، میثاق جمہوریت جیسا عندیہ

اسلام آباد(کھوج نیوز) پاکستان تحریک انصاف کے بانی عمران خان نے اپنے انتہائی قریبی عزیز کے ذریعے سابق وزیراعظم میاں نوازشریف سے رابطہ کیا جس کے بعد میثاق جمہوریت جیسا عندیہ دیا جا رہا ہے۔

ذرائع نے بتایا ہے کہ پاکستان تحریک انصاف کے بانی عمران خان نے اپنے قریبی عزیز کے ذریعے مسلم لیگ ن کے قائد و سابق وزیراعظم میاں نوازشریف سے رابطہ کیا اور یہ پیغام پہنچایا ہے کہ ملک میں جمہوریت قائم ہونی چاہیے اور ملک کو درپیش معاشی استحکام کو کنٹرول کرنے اور عوام کو ریلیف دینے کے لئے ہم سب کو مل کر کام کرنا چاہیے ۔ عمران خان کا یہ بھی کہنا تھا کہ ملک کو معاشی بحران سے نکالنے اور ترقی کی راہ پر گامزن کرنے کے لئے اداروں کو اپنی حدود میں رہ کر کام کرنا چاہیے ۔ انہوں نے نوازشریف کو پیغام دیتے ہوئے یہ بھی کہا کہ اداروں کو کو ان کی حدود میں رکھنے کے لئے ہمیں ایک ہونا پڑے گا پھر ہی ملک ترقی کی راہ پر گامزن ہو سکے گا۔