عمران خان کی گرفتاری، سوشل میڈیا اور انٹرنیٹ سروس جزوی طور پر بند

اسلام آباد (نیوز رپورٹر، آن لائن)پاکستان تحریک انصاف کے چیئرمین عمران خان کی گرفتاری کے بعد وفاقی دارالحکومت اسلام آ باد سمیت ملک بھر میں انٹرنیٹ سروس اور سوشل میڈیا کو جزوی طور پر بند کردیا گیا ہے۔

تفصیلات کے مطابق پاکستان عمران خان کو رینجرز نے القادر ٹرسٹ کیس میں اسلام آباد ہائیکورٹ کے احاطے سے گرفتار کرنے کے بعد نیب کے حوالے کر دیا جس کے بعد عمران خان کو نیب راولپنڈی منتقل کر دیا گیا ۔عمران خان کی گرفتاری کے بعد وفاقی دارالحکومت اسلام آباد سمیت ملک بھر میں انٹرنیٹ سروس اور سوشل میڈیا کو جزوی طور پر بند کر دیا گیا ہے، سوشل میڈیا پر اور انٹرنیٹ سروس کو اس لئے بند کیا گیا تا کہ ملک بھر جھوٹی افواہوں سے انتشار نہ پھیل سکے۔