کراچی سے بھی عمران خان کو بڑا جھٹکا لگ گیا، قریبی ساتھی نے بھی خیر باد کہہ دیا
یہ بیانیہ بننا شروع ہوگیا کہ پی ٹی آئی کا مقابلہ پاک فوج سے ، میرا خاندان فوج سے نہیں لیکن میرا دل پاک فوج کے ساتھ ہے، بچپن سے خواہش تھی کہ جی ڈی پائلٹ بنوں
کراچی(نیوز رپورٹر،مانیٹرنگ ڈیسک) کراچی سے بھی عمران خان کو بڑا جھٹکا لگ گیا، قریبی ساتھی نے بھی خیر باد کہہ دیا ‘سابق گورنر سندھ اور سابق وزیراعظم عمران خان کے قریبی ساتھی نے پاکستان تحریک انصاف کو خیرباد کہہ دیا۔
تفصیلات کے مطابق پاکستان تحریک انصاف کے رہنماء عمران اسماعیل کا کہنا تھاکی آج شاید میری آخری سیاسی پریس کانفرنس ہے، میں پاکستان تحریک انصاف کے بانی ارکان میں سے ہوں، ترقی، خوشحالی والے پاکستان کا خواب دیکھا تھا، پونے چار سال حکومت میں رہا، ناتجربے کاری تھی۔ انہوں نے کہا کہ 27 سالہ جدوجہد کے بعد ملنے والی حکومت پونے چار سال میں فارغ ہوئی، یہ بیانیہ بننا شروع ہوگیا کہ پی ٹی آئی کا مقابلہ پاک فوج سے ہے، میرا خاندان فوج سے نہیں، لیکن میرا دل پاک فوج کے ساتھ ہے، بچپن سے خواہش تھی کہ جی ڈی پائلٹ بنوں۔ عمران اسماعیل کا کہنا تھاکہ فوجی تنصیبات پر حملہ کرنے والوں کو سزا ملنی چاہیے، 9 مئی کے بعد کچھ دن چھپتا پھرا، پھر پکڑا گیا۔ انہوں نے اعلان کیا کہ کسی کا دل ٹوٹا ہو تو معافی چاہتا ہوں، پی ٹی آئی اور اس کے تمام عہدے چھوڑ رہا ہوں، عمران خان آپ کو خدا حافظ کہتا ہوں اور پاکستان تحریک انصاف کو اللہ حافظ کہتا ہوں۔
