1087 بڑے کرنسی سمگلروں اور حوالہ ہنڈی سنٹرز کی نشاندہی، تین سالوں میں کتنے ارب کی فارن کرنسی سمگل کی گئی؟

اسلام آباد(مانیٹرنگ ڈیسک) ملک بھر میں1087 بڑے کرنسی سمگلرز اورحوالہ ہنڈی سنٹرز کی نشاندہی کی گئی جنہوں نے ہنڈی کے ذریعے پچھلے تین سال میں 49 ارب روپے مالیت کی فارن کرنسی سمگل کی۔

تفصیلات کے مطابق ایف ائی اے اورحساس ادارے کی پیش رفت رپورٹس میں انکشاف کیا ہے کہ57 بڑے حوالہ ہنڈی ڈیلرز یواے ای، افغانستان، بحرین، ایران اور عمان میں مقیم ہیں۔ تین اداروں نے اپنی الگ الگ پیش رفت رپورٹس وزیراعظم سیکریٹریٹ میں جمع کرا دیں۔ ذرائع کے مطابق رپورٹس میں انکشاف کیا گیا ہے کہ درجنوں سرکاری ٹیموں کے پورے ملک میں 480 چھاپے مارے ہیں۔ رپورٹ میں انکشاف کیا گیا ہے کہ سات ماہ کے اپریشن میں 6 کروڑ ڈالرز، 15 لاکھ یورو اور10 لاکھ درہم کی کرنسی پکڑی گئی ہے۔مجموعی طورپر31 ارب روپے کی کرنسی کسٹم حکام، ایف ائی اے اور حساس اداروں نے افغان اورایران بارڈرپر پکڑی ہے۔

ذرائع کے مطابق روان ہفتے 9 لاکھ امریکی ڈالرکراچی اوراسلام اباد ائیرپورٹ سے سمگلنگ کرتے ہوئے پکڑے گئی ہے۔ ذرائع کی مطابق دو ارب مالیت کی فارن کرنسی پچھلے ہفتے راولپنڈی سے پکڑی گء ہیں، منی لانڈرنگ اور ڈالرز سمگلنگ کرنے والوں کیخلاف 360 کیس درج ہوئے۔ لاہور، کراچی، اسلام اباد، پشاور اور راولپنڈی میں 41 انکوائریاں شروع کی گئی۔ ذرائع کا کہنا ہے کہ 39 کرنسی سمگلرز اور ذخیرہ اندوزوں کیخلاف کیس درج،302 مشتبہ کرنسی سمگلنگ کرنے والوں ایف ائی اے کی تحویل میں ہیں جبکہ405 کرنسی سمگلرزکا تعلق پنجاب، 145 بلوچستان، 232 سندھ، 254 کے پی کے اور51 کا تعلق کشمیراور اسلام اباد سے ہے21 کرنسی سمگلرز کی گرفتاری کیلیے انٹرپول کو لکھا جائے گا۔