پی ٹی آئی کی لاہور آفس میں پریس کانفرنس، میڈیا کی بجائے پولیس پہنچ گئی

لاہور(کھوج نیوز) تحریک انصاف کی جانب سے سیاسی سرگرمیوں سے متعلق لاہور آفس میں پریس کانفرنس کا انعقاد، میڈیا کی بجائے پولیس کی گاڑیوں کی لمبی قطاریں لگ گئیں۔

تفصیلات کے مطابق پاکستان تحریک انصاف کی جانب سے آج لاہور آفس میں سیاسی سر گرمیوں سے متعلق پریس کانفرنس کا انعقاد کیا گیا تھا اور اس پریس کانفرنس کی کوریج کے لئے میڈیا کو بھی مدعو کیا گیا تھا لیکن موقع پر کوریج کے لئے میڈیا کی گاڑیاں پہنچنے کی بجائے پولیس کی گاڑیاں پہنچ گئیں اور پی ٹی آئی کے رہنمائوں کو مجبوراً منعقد کی گئی پریس کانفرنس ملتوی کرنی پڑی۔ ذرائع نے بتایا ہے کہ اس واقع کے بعد پاکستان تحریک انصاف نے یہ معاملہ چیف جسٹس آف پاکستان کے روبرو لے جانے کا اعلان بھی کیا ہے۔