وزیر خزانہ محمد اورنگزیب نے تنخواہ دار طبقے پر ٹیکس بوجھ میں اضافہ کو تسلیم کرلیا

اسلام آباد(کھوج نیوز) وفاقی وزیر خزانہ محمد اورنگزیب نے تنخواہ دار طبقے پر ٹیکس بوجھ میں اضافہ کو تسلیم کرتے ہوئے کہا کہ جیسے ہی مالی گنجائش نکلے گئی ہم ان پر ٹیکس کم کر دیں گے ۔

تفصیلات کے مطابق وزیر خزانہ محمد اورنگزیب کا کہنا تھا کہ رجسٹریشن کرانے والے 42 ہزار دکانداروں پر آج سے ٹیکس لگنا شروع ہوجائے گا۔ وزیر خزانہ کاکہنا تھا کہ نئی پنشن اسکیم آج سے نافذ ہوجائے گی، مسلح افواج ایک سال تک پرانی پنشن اسکیم پر ہی کاربند رہیں گے۔ محمد اورنگزیب نے بتایا کہ بجٹ آئی ایم ایف کی ہدایت پر بنا ہے، آگے قرض پروگرام کے لیے آئی ایم ایف سے معاہدہ جولائی میں ہوجائے گا، اس کے لیے آئی ایم ایف وفد کا پاکستان آنا ضروری نہیں۔ ان کا مزید کہنا تھا کہ برآمدات بڑھانا ہدف ہے، ٹیکس برآمدات پر نہیں، ایکسپورٹرز کی انکم پر لگایا ہے،

انہوں کہا کہ تنخواہ دار طبقے پر ٹیکس واقعی زیادہ ہے، مالی گنجائش نکلتے ہی یہ ٹیکس کم کردیں گے۔ ان کا کہنا تھا کہ پیٹرولیم لیوی پر 10 روپے کا اضافہ یکم جولائی سے لاگو نہیں کر رہے، ہمیں ملک سے نان فائلرز کی اصطلاح ختم کرنی ہے۔ وزیر خزانہ نے کہا کہ نان فائلرز کو سزائیں بھی دیں گے، وصولیاں اخراجات سے زیادہ ہوں گی تب ہی ریلیف مل سکے گا۔ انہوں نے کہا کہ ایف بی آر میں کرپشن ختم کرنے کے لیے ڈیجیٹلائزیشن کر رہے ہیں۔