ن لیگی حکومت کتنے ماہ تک برقرار رہیگی؟ عمران خان کب رہا ہونگے؟ فچ رپورٹ نے ہلچل مچا دی

اسلام آباد(کھوج نیوز) مسلم لیگ ن کی حکومت کتنے ماہ تک برقراررہے گی؟ بانی پی ٹی آئی عمران خان کب رہا ہوں گے؟ اس حوالے سے معاشی درجہ بندی کے ادارے فچ کی رپورٹ نے ہلچل مچا دی ہے۔

تفصیلات کے مطابق فچ نے مزید کی پیش گوئی کی کہ موجودہ حکومت آئی ایم ایف کے ساتھ مل کر ساری معاشی اصلاحات کرے گی اور موجودہ حکومت ختم ہوئی پاکستان میں ٹیکنوکریٹ کی حکومت آئے گی۔ فچ نے پیش گوئی کی کہ بانی پی ٹی آئی مستقبل قریب میں زیر حراست ہی رہیں گے اور پاکستان کی موجودہ مسلم لیگی حکومت 18 ماہ تک برقرا ر ہے گی۔

فچ رپورٹ میں کہا گیا ہے کہ رواں مالی سال کے اختتام تک توقع ہے کہ اسٹیٹ بینک شرح سود کو 14فیصد لائے، حکومت پاکستان نے بجٹ میں مشکل ترین معاشی اہداف مقرر کیے ہیں، حکومت پاکستان مالیاتی خسارہ 7.4 سے کم کرکے 6.7 فیصد پر لانا چاہتی ہے۔ فچ کے مطابق رواں مالی سال کے اختتام تک پاکستان میں مہنگائی بڑھنے کی شرح کم ہوسکتی ہے اور رواں مالی سال کے اختتام تک اسٹیٹ بینک آف پاکستان سے شرح سود میں کمی کی توقع ہے۔

فچ کا کہنا ہے کہ پاکستان کے فروری کے الیکشن میں آزاد امیدواروں کو بڑی کامیابی ملی، جیتے والے آزاد امیدوار کو جیل میں قید بانی پی ٹی آئی کی حمایت حاصل تھی، پاکستان کے شہروں میں مظاہرے معاشی سرگرمیاں متاثر کر سکتے ہیں۔فچ رپورٹ کے مطابق حکومت پاکستان کے مشکل معاشی فیصلیآئی ایم ایف کیساتھ پروگرام کی راہ ہموارکررہے ہیں، پاکستان کی معیشت کے لیے بیرونی ادائیگیوں کا دبا معاشی رسک ہے، پاکستان کی زراعت کے لیے سیلاب اور خشک سالی معاشی رسک ہے۔