پی ٹی آئی رہنما شیرافضل مروت آپےسےباہرہوگئے، کارکن کومکاّ بھی جڑدیا

اسلام آباد(کھوج نیوز) پاکستان تحریک انصاف (پی ٹی آئی) کے جلسے میں بد نظمی، کھینچا تانی اور دھکم پیل، پی ٹی آئی رہنما شیر افضل مروت آپے سے باہرہوگئے، کارکن کو مکاّ بھی جڑدیا۔ اتوار کو پاکستان تحریک انصاف کے سنگجانی جلسے میں اس وقت کارکنوں میں بدنظمی کا مظاہرہ دیکھنے کو ملا جب شیر افضل مروت جلسہ گاہ پہنچے تو کارکنوں نے دھکم پیل شروع کر دی، ایک دوسرے کی کھینچا تانی کے دوران شیر افضل مروت آپے سے باہر ہو گئے اور ایک کارکن کو مکا تک جڑ دیا۔

اسی دوران شیر افضل مروت کا ایک قریبی ساتھی بھی متاثرہ کارکن کی جانب لپکا اور اسے مزید زدوکوب کیا اسے مزید تشدد کا نشانہ بنانے کی کوشش کی گئی تاہم دھکم پیل میں متاثرہ کارکن بمشکل اپنے آپ کو بچا پایا۔