سکیورٹی فورسز کا دہشتگردوں کیخلاف آپریشن، 6دہشت گرد جہنم واصل

ہرنائی (کھوج نیوز) بلوچستان کے ضلع ہرنائی میں سکیورٹی فورسز نے خفیہ اطلاعات پر دہشتگردوں کے خلاف آپریشن کیا جس کے دوران فائرنگ کے تبادلے میں 6دہشت گرد جہنم واصل کر دیئے گئے ۔

تفصیلات کے مطابق سکیورٹی ذرائع نے بتایا ہے کہ 12ستمبر کو بی ایل اے کے ٹھکانوں پر کامیابی سے مشترکہ آپریشن کیا گیا جس میں 6 دہشت گرد ہلاک ہوئے۔ سکیورٹی ذرائع کا کہنا ہے کہ ہلاک دہشت گرد سکیورٹی فورسز اور لوگوں پر براہ راست حملوں میں ملوث تھے۔ محسن نقوی کا کہنا تھا کہ بلوچستان میں قیام امن کیلئے آخری حد تک جائیں گے۔ وفاقی وزیرداخلہ محسن نقوی نے کامیاب آپریشن پر سکیورٹی فورسز کو خراج تحسین پیش کیا اور کہا کہ فورسز نے بروقت کارروائی کر کے دہشت گردوں کو عبرتناک انجام تک پہنچایا۔