آئینی ترامیم کا معاملہ، بلاول بھٹو کی پی ٹی آئی پر چڑھائی، کچا چٹھا کھول کر رکھ دیا

اسلام آباد(کھوج نیوز) پاکستان پیپلز پارٹی کے چیئرمین بلاول بھٹو زرداری نے آئینی ترامیم کے معاملہ پر پاکستان تحریک انصاف پر چڑھائی کر ڈالی اور تمام کچا چٹھا کھول کر رکھ دیا ہے۔

تفصیلات کے مطابق بلاول بھٹو زرداری نے کہا کہ کمیٹی میں تمام جماعتوں نے اپنی رائے کا اظہار کیا، پیپلز پارٹی نے اپنا ڈرافٹ کمیٹی میں پیش کیا،حکومت نے بھی وکلاء تنظیموں سے ہونے والی مشاورت سے آگاہ کیا جب کہ میری کوشش ہوگی کہ تمام جماعتوں کو ساتھ ملاں اور حکومت کو مشترکہ مسودہ پیش کروں۔ بلاول بھٹو نے کہا کہ وزیر قانون نے وکلا برادری کی تجاویز بھی پیش کیں،کمیٹی میں حکومت کی تجاویز بھی آئیں،مولانافضل الرحمان نے دوبارہ مؤقف دہرایا کہ وہ پیپلزپارٹی کوشامل کرکے مسودہ دینا چاہتے ہیں، میں نے بھی یہی مؤقف دہرایا کہ سب کو ساتھ لے کر چلنا چاہیے، وزیرقانون نے واضح کہاکہ حکومت کے پاس نمبرز پورے ہیں ، انہوں نے کہا ہے کہ نمبرزپورے ہونے کے باوجود دیگرجماعتوں کیساتھ مشترکہ ترمیم کی کوششیں ہورہی ہیں۔

انہوں نے مزید کہا کہ ہم نے اس سے پہلے بھی ترامیم مشاورت سے کرائی ہیں لیکن حکومت کامؤقف بھی وزن رکھتا ہے، ہم نے ہمیشہ عوامی بھلائی اور عوامی خدمت کے لیے قانون سازی کی، ہم چاہتے ہیں جنوبی پنجاب صوبے کی بات کی جائے، ہم نے طے کرلیا ہے ایس سی او اجلاس سے پہلے ترمیم نہیں آئے گی، پی ٹی آئی والیایک طرف ترامیم پر مشاورت کیلئے وقت مانگ رہے ہیں تو دوسری طرف دھمکیاں دیرہے ہیں، ایسے کیسے چل سکتا ہے پی ٹی آئی کوکسی ایک مؤقف پر آنا ہوگا۔چیئرمین پی پی کا کہنا تھا کہ اگرحکومت واقعی دوتہائی اکثریت رکھتی ہے اورمشترکہ مسودہ لاناچاہتی ہے تو یہ بہترین کام ہے لیکن حکومت دیگرسارے کام چھوڑکرکب تک انتظارکرے کہ مشترکہ ڈرافٹ بن جائے۔