بلاول بھٹو نے وفاقی آئینی عدالت کو بانی پاکستان کی تجویز کردہ آئینی عدالت جیسا قرار دیدیا
قائداعظم محمد علی جناح نے 27 اکتوبر 1931ء کو لندن کی گول میز کانفرنس میں وفاقی آئینی عدالت کی تجویز پیش کی تھی: بلاول بھٹو زرداری
اسلام آباد(کھوج نیوز) پاکستان پیپلز پارٹی کے چیئرمین بلاول بھٹو زرداری نے اپنی پارٹی کی تجویز کردہ وفاقی آئینی عدات کو بانی پاکستان قائداعظم محمد علی جناح کی تجویز کردہ آئینی عدالت جیسا قرار دیدیا ہے۔
تفصیلات کے مطابق پاکستان پیپلز پارٹی کے چیئرمین بلاول بھٹو زرداری نے کہا کہ وفاقی آئینی عدالت کی تجویز سب سے پہلے قائداعظم نے پیش کی تھی۔ انہوں نے کہا کہ قائداعظم نے 27 اکتوبر 1931ء کو لندن کی گول میز کانفرنس میں وفاقی آئینی عدالت کی تجویز پیش کی تھی۔ ان کا کہنا تھاکہ قائداعظم کی تجویز تھی سپریم کورٹ ہائیکورٹس کے فیصلوں کیخلاف اپیلیں سنے اور تیسری ایپکس کورٹ کریمنل کورٹ آف اپیل ہو۔ بلاول کے مطابق پیپلزپارٹی کی تجویز کردہ وفاقی آئینی عدالت بھی قائداعظم کی تجویز کردہ آئینی عدالت جیسی ہے، قائد اعظم نے درحقیقت تین ایپکس کورٹس بنانے کی تجویز دی تھی، قائداعظم کی تجویز تھی کہ وفاقی آئینی عدالت، آئینی اور بنیادی حقوق کے امور دیکھے۔
