پی ٹی آئی جلسہ، پنجاب حکومت کیا حکمت عملی اپنائے گی؟ سلیم بخاری نے چٹھہ وٹہ کھول دیا

لاہور(کھوج نیوز) پاکستان تحریک انصاف (پی ٹی آئی ) کے بانی کی جانب سے جلسہ کا اعلان، پنجاب حکومت کیا حکمت عملی اپنائے گی؟ سینئر صحافی و معروف تجزیہ کار سلیم باری نے چٹھہ وٹہ کھول دیا ۔

تفصیلات کے مطابق سینئر صحافی و معروف تجزیہ کار سلیم بخار ی کا کہنا تھا کہ رونا تو یہی ہے کہ یہ صحیح تصویر دکھا ہی نہیں رہے، ان کا کہنا تھا کہ پنجاب حکومت تو تب احتجاج کو روکے گی جب لوگ نکلیں گے، انہوں نے پچھلے دو جلسوں کا حوالہ دیتے ہوئے کہا کہ لاہور اور سنگجانی کا جلسہ گواہ ہے اس میں پنجاب کے لوگ نہیں تھے بلکہ یہ وہ لوگ تھے جن کو کے پی حکومت لے کر آئی تھی۔سینئر صحافی نے کہا کہ ان کو ایسا لگ رہا ہے کہ پارٹی کی سینئر قیادت کی طرف سے جس قسم کے رویے کا اظہار کیا جارہا ہے24 نومبر کا احتجاج منسوخ کر دیا جائے گا۔