حکومت سے مذاکرات کا آغاز کب اور کن شرائط پر ہوگا؟ وزیراعلیٰ کے پی کے نے ہنگامہ خیز دعویٰ کر دیا

خیبرپختونخوا (کھوج نیوز) حکومت سے مذاکرات کا آغاز کب اور کن شرائط پر ہوگا؟ اس حوالے سے وزیراعلیٰ خیبرپختونخوا علی امین گنڈا پور نے ہنگامہ برپا کر دینے والا دعویٰ کر دیا ہے۔

تفصیلات کے مطابق وزیرِ اعلیٰ خیبر پختونخوا علی امین گنڈا پور کا کہنا تھا کہ بانی پی ٹی آئی کا جو حکم ملا ہے اس پر ہر صورت میں عمل کروں گا، میرا اختیار بانی پی ٹی آئی کے پاس ہے جو وہ کہیں گے کروں گا۔حکومت سے مذاکرات کا آغاز بانی پی ٹی آئی کی رہائی کے بعد ہو گا۔علی امین گنڈا پور نے کہا کہ گزشتہ احتجاج میں بھی راستے بند ہونے کے باوجود اسلام آباد پہنچے تھے میں اور پی ٹی آئی کارکن ہر صورت میں ڈی چوک پر پہنچیں گے، بانی پی ٹی آئی اور دیگر قیدیوں کی رہائی اور مطالبات کی منظوری تک اسلام آباد میں رہیں گے۔علی امین گنڈاپور نے کہا کہ حکومت ملک کو بلاک کر کے عوام کو تکلیف پہنچا رہی ہے۔وفاق اور پنجاب حکومت نے بوکھلاہٹ میں موٹر وے اور شاہراہیں بند کر دی ہیں، ہمارا احتجاج پرامن ہے۔