پاکستان
تینوں حلقوں کی الیکشن درخواستیں، الیکشن کمیشن نے ن لیگی کارکنوں کو بڑی خبر سنا دی
الیکشن کمیشن نے اسلام آباد کے قومی اسمبلی کے تینوں حلقوں کی الیکشن درخواستیں دوسرے ٹریبونل منتقل کردیں۔
اسلام آباد (کھوج نیوز) اسلام آباد کے تینوں حلقوں کے متعلق درخواستوں پر الیکشن کمیشن نے مسلم لیگ ن کے کارکنوں کو بڑی خبر سنا دی ہے۔
تفصیلات کے مطابق الیکشن کمیشن نے الیکشن ٹریبونل کی تبدیلی کے معاملے پر محفوظ فیصلہ سنایا۔ الیکشن کمیشن نے مسلم لیگ ن کے تینوں ایم این ایز کی درخواستیں منظور کرتے ہوئے اسلام آباد کے تینوں حلقوں کی الیکشن درخواستیں دوسرے ٹریبونل منتقل کردیں۔ کیسز راولپنڈی ٹریبونل کے جج جسٹس ریٹائرڈ عبدالشکور پراچہ کی ٹریبونل منتقل کردیے گئے۔ جسٹس ریٹائرڈ عبدالشکور پراچہ پر مشتمل الیکشن ٹریبونل اسلام آباد کے تین حلقوں میں دھاندلی کے کیس سنے گا۔
