سپریم کورٹ کا سرکاری ملازمین کو بڑا دھچکا ، نوٹیفکیشن جاری
سندھ میں مرحوم سرکاری ملازمین کے لیے فوتی کوٹہ ختم کرنے کی منظوری دی تھی ۔نوٹیفکیشن کے مطابق صوبے میں اب فوتی کوٹہ کے تحت مزید بھرتیاں نہیں کی جائیں گی
کراچی ( کھوج نیوز )سپریم کورٹ نے 18 اکتوبر 2024 کو اپنے فیصلے میں سرکاری ملازمین کے بچوں سے متعلق کوٹہ پالیسی و پیکیجز کو غیر قانونی قرار دیا تھا۔سپریم کورٹ نے اپنے فیصلے حکم دیا تھا کہ وفاق سمیت صوبائی حکومتیں اشتہار یا اوپن میرٹ کے بغیر سرکاری ملازمین کے بچوں کو ملازمتیں دینے کی پالیسی ختم کریں۔ عدالت عظمی نے کوٹہ سے متعلق پرائم منسٹر پیکیج فار ایمپلائمنٹ پالیسی اور اس کا آفس میمورینڈم بھی کالعدم قرار دیا تھا۔ اسی طرح سندھ سول سرونٹس رولز 1974 کے سیکشن 11 اے کو بھی کالعدم قرار دیا تھا۔
سپریم کورٹ نے اشتہار یا اوپن میرٹ کے بغیر بیوہ یا بچے کا سرکاری ملازمت میں کوٹہ آئین کے آرٹیکل 3 آرٹیکل 4، آرٹیکل 5 ذیلی شق دو، آرٹیکل 25 اور آرٹیکل 27 سے متصادم قرار دیا۔ عدالتی فیصلے کا اطلاق پہلے سے سرکاری ملازمین کے بچوں اور دہشتگردی کے واقعات میں شہید ہونے والے ملازمین کے ورثاء پر نہیں ہو گا۔
