پاکستان کی افغان صوبے میں فضائی کارروائی، 71سے زائد خوارج جہنم واصل

اسلام آباد(کھوج نیوز) پاکستان نے افغان صوبے پکتیکا میں فضائی کارروائی کرتے ہوئے اہم کماندر سمیت 71سے زائد خوارج کو جہنم واصل کر دیا ہے اور 4اہم مراکز بھی تباہ کر دیئے ہیں۔

تفصیلات کے مطابق پاکستانی سکیورٹی ذرائع نے بتایا ہے کہ دہشت گردوں کے ٹھکانوں کے اطراف کی آبادی کارروائی میں محفوظ رہی۔ افغان حکومت کے مطابق اس کارروائی میں 46 سویلین ہلاک ہوئے، افغان وزارت خارجہ نے کابل میں پاکستانی ناظم الامور سے واقعے پر احتجاج بھی کیا، مراسلے میں کہا کہ پاکستانی طیاروں نے افغان حدود کی خلاف ورزی کی ہے۔ سکیورٹی ذرائع کے مطابق کارروائی میں خوارج کا عمر میڈیا سیل اور 4 بڑے خارجیوں شیر زمان عرف مخلص یار، اختر محمد عرف خلیل، اظہار عرف حمزہ اور شعیب چیمہ کے ٹھکانے تباہ کیے گئے ۔