رچرڈ گرینل کے بیان پر سعد رفیق بھی میدان میں آگئے، بڑا بیان داغ دیا

لاہور(کھوج نیوز) مسلم لیگ ن کے رہنماء سعد رفیق نو منتخب امریکی صدر کے نمائندہ خصوصی رچرڈ گرینل کے بیان پر میدان میں آگئے ہیں اور بڑا بیان داغ کر سب کو حیران کر دیاہے۔

تفصیلات کے مطابق مسلم لیگ ن کے رہنماء سعد رفیق کا کہنا تھا کہ رچرڈ گرینل کا ضمیر 2018ء کے الیکشن چوری سے سیاسی انتقام کے سیاہ دور تک سو رہا تھا، رچرڈ گرینل کا ضمیر اپوزیشن لیڈروں کی طویل قید پر سو رہا تھا۔ رہنما ن لیگ کا کہنا تھا کہ رچرڈ گرینل جیسے لوگوں کا مطالبہ کچھ اور مقاصد کچھ اور ہوتے ہیں، پاکستان کو بخوبی علم ہے یہ سب مل کر چین بلاک کو توڑنے کی کوشش کریں گے، پاکستان کو بخوبی علم ہے کہ یہ ایران کو گھیرنے کے لیے پاکستان پر دباؤ ڈالنے کی کوشش کریں گے۔ سعد رفیق کا کہنا تھا کہ فلسطینیوں کی نسل کشی پر رچرڈ گرینل کامردہ ضمیر آج بھی غاصب صیہونیوں کے ساتھ ہے، رچرڈ گرینل جیسے بے ضمیر لوگوں کا شعور صرف سامراجی عزائم کی تکمیل کے لیے ہی جاگتا ہے، رچرڈ گرینل جیسے لوگوں کا انسانیت، انصاف، جمہوریت اور قانون کی حکمرانی سے کوئی تعلق نہیں۔