چیئرمین ایف بی آر نے ٹیکس نہ دینے والوں کیلئے خطرے کی گھنٹی بجا دی’ بڑا منصوبہ بنا لیا گیا

اسلام آباد(کھوج نیوز) چیئرمین فیڈرل بورڈ آف ریونیو (ایف بی آر) راشد محمود لنگڑیال نے ٹیکس نہ دینے والوں کے لئے خطرے کی گھنٹی بجاتے ہوئے ان کو پکڑنے کیلئے بڑا منصوبہ بنا لیا ہے۔

تفصیلات کے مطابق چیئرمین ایف بی آر راشد محمود لنگڑیال نے کہا کہ ہم نے ایک لاکھ 90 ہزار افراد کو نوٹس دیے، 38 ہزارافراد نے 37کروڑ 70 لاکھ ٹیکس ریٹرن جمع کرایا، جنہوں نے ریٹرن جمع نہیں کرایا ٹیکس نہیں دیا ان کے خلاف کارروائی ہوگی۔ چیئرمین ایف بی آر کا کہنا تھا کہ پاکستان کا ٹیکس گیپ 7100 ارب روپے اور انکم ٹیکس گیپ 2400 ارب روپے ہے، انواسئنگ کا عمل ڈیجیٹائز کر رہے ہیں، فوکس ٹاپ 5 فیصد لوگ ہیں، براہ راست شوگر ملوں کو دیکھ رہے ہیں، پنجاب میں فیک یا فلائنگ انوائس پر کئی ملیں پکڑی گئیں۔