متحدہ عرب امارات نے پاکستانیوں کیلئے بڑی خوشخبری کا اعلان کر دیا

لاہور(کھوج نیوز) متحدہ عرب امارات (یو اے ای) نے پاکستانیوں کے لئے بڑی خوشخبری کا اعلان کر دیا ، یہ اعلان متحدہ عرب امارات کے سفیر حمد عبید ابراہیم الزعابی کی طرف سے کیا گیا۔

تفصیلات کے مطابق پاکستانی شہریوں کے لیے یو اے ای کے ویزا عمل کو بہتر بنانا دونوں ممالک کے درمیان تعلقات کو مزید مضبوط کرے گا اور عوام کے لیے سہولت کا باعث بنے گا۔ متحدہ عرب امارات کے سفیر حمد عبید ابراہیم الزعابی نے حالیہ ملاقات میں پاکستانی درخواست دہندگان کے لیے ویزا کے عمل کو تیز کرنے کی یقین دہانی کرائی ہے۔ ہر سال دنیا بھر سے لاکھوں سیاح متحدہ عرب امارات کا رخ کرتے ہیں، جو عرب خطے میں ثقافتی اور اقتصادی مرکز کے طور پر ابھرا ہے۔ یو اے ای جدید انفراسٹرکچر اور دلچسپ تفریحی سرگرمیوں کی ایک منفرد آمیزش پیش کرتا ہے۔ متحدہ عرب امارات غیر ملکیوں کو مختلف قیام کی مدت کے لیے وزٹ ویزا جاری کرتا ہے، جن میں پاکستانی شہری بھی شامل ہیں۔ عام طور پر سیاحتی مقصد کے لیے 30 یا 60 دن کا ویزا دیا جاتا ہے، جس کے لیے یو اے ای میں کسی ٹورسٹ کمپنی، ہوٹل یا میزبان کا اسپانسر ہونا ضروری ہے۔