جماعت اسلامی کا بڑا اعلان، 8فروری کو کیا ہونیوالا ہے؟ حکومت کو ہلا کر رکھ دینے والی خبر آگئی

لاہور(کھوج نیوز) جماعت اسلامی کا بڑا اعلان، 8فروری کو کیا ہونے والا ہے؟ اس حوالے سے حکومت کو ہلاکر رکھ دینے والی خبر سامنے آنے کے بعد وفاقی حکومت نے بھی کمر کس لی ہے۔

تفصیلات کے مطابق امیر جماعت اسلامی حافظ نعیم الرحمان نے کہا کہ8 فروری 2024ء پاکستان کی تاریخ کا سیاہ ترین دن ہے، لوگوں نے ووٹ کسی اور کو دیا، لیکن فارم 47 پر کسی اور کو جتوادیا گیا، ملک میں افراتفری کی وجہ مینڈیٹ کا چوری ہونا ہے، وزیر اعظم شہباز شریف، نواز شریف اور مریم نواز فارم 47 کے ذریعے آئے ہیں۔ان کا کہنا تھا کہ دھاندلی کی تحقیقات کے لیے جوڈیشل کمیشن بن جائے تو 80 فیصد پارلیمنٹ خالی ہوجائیگی، حیرانی ہے پی ٹی آئی فارم 45 کے مقف سے دستبردار ہوگئی، ری الیکشن کا مطالبہ حکومت کو تسلیم کرنے اور دھاندلی کو تقویت دینے کے مترادف ہے۔

حافظ نعیم الرحمان نے امریکی صدر ڈونلڈ ٹرمپ کے غزہ سے متعلق بیان کی مذمت کرتے ہوئے کہا کہ تمام دنیا غزہ کی تعمیر نو کے لیے آگے آئے، امریکا غزہ کی تباہی کا ذمہ دار ہے، وہ جنگی تاوان دے، ن ٹرمپ کا غزہ خالی کرانیکا بیان احمقانہ ہے۔ حافظ نعیم کا کہنا تھا کہ پیپلزپارٹی کے لوگ بھی فارم 47 کے ذریعے جیتے،کراچی میں لوگوں نے ووٹ پی ٹی آئی اور جماعت اسلامی کو دیا،ایم کیو ایم کو بھی دھاندلی سے سیٹیں دی گئیں، ہمارا مطالبہ ہیکہ جوڈیشل کمیشن بنے اور فارم 45 کے مطابق جس کی نشستیں ہیں اسے دی جائے۔