آصف زرداری کی ترکیہ کے ہم اپنے منصب طیب اردگان سے ملاقات، اہم امور پر تبادلہ خیال

استنبول (کھوج نیوز) پاکستانی صدر آصف علی زرداری اور ترکیہ کے صدر رجب طیب اردگان کے درمیان ملاقات، اہم امور سمیت دو طرفہ تعلقات پر تبادلہ خیال بھی کیا گیا ۔

تفصیلات کے مطابق استنبول ایئر پورٹ پر ہونے والی ملاقات صدر مملکت آصف علی زرداری کے دورہ پرتگال کے دوران ترکی میں مختصر قیام کے دوران ہوئی۔ترکیہ کے وزیر خارجہ حاکان فدان نے صدر مملکت کا استقبال کیا ۔ترک صدر رجب طیب اردگان سے ملاقات کے دوران دونوں صدور کے مابین خوشگوار جملوں کا تبادلہ ہوا۔دونوں رہنماؤں نے دوطرفہ تعلقات اور باہمی دلچسپی کے امور پر تبادلہ خیال کیا۔صدر آصف علی زردار ی پرنس کریم آغا خان کے انتقال پر اظہار افسوس کیلئے اس وقت پرتگال کے دورے پر ہیں۔