وزیر اعظم کی بحرین کے فرمانروا سے ملاقات ،تجارتی حجم مزید بڑھانے پر اتفاق

اسلام آباد( کھوج نیوز)وزیراعظم محمد شہباز شریف سے بحرین کی مجلس النواب کے اسپیکرجناب احمد بن سلمان ال مسالم کی قیادت میں 11 رکنی پارلیمانی وفد کی ملاقات ہوئی۔وزیراعظم کا بحرین کے فرمانروا ا حمد بن عیسی بن سلمان الخلیفہ کے لیے نیک خواہشات کا اظہار کیا۔وزیراعظم کی بحرین کے سرمایہ کاروں کو پاکستان میں سرمایہ کاری کی دعوت دی۔وزیراعظم نے پاکستان اور بحرین کے موجودہ تجارتی حجم کو مزید بڑھانے پر زور دیا۔

اس موقع پر وزیر اعظم شہباز شریف کا کہنا تھا کہ پاکستان اور بحرین کے برادرانہ تعلقات انتہائی مضبوط اور مشترکہ عقیدے، تاریخ اور ثقافت پر مبنی ہیں۔انھوں نے کہا کہ عوامی رابطوں کو مزید مضبوط بڑھانے کیلئے پارلیمانی وفود کے تبادلے انتہائی اہم ہیں۔ وزیر اعظم کا کہنا تھا کہ ایسے اقدامات سے دونوں برادر ممالک کے تعلقات مزید مضبوط ہوں گے۔بحرین میں موجود پاکستانی مختلف شعبوں میں انتہائی اہم خدمات سرانجام دے رہے ہیں۔وزیر اعظم کا کہنا تھا کہ پاکستان، بحرین اور پوری امت مسلمہ غزہ اور فلسطین میں اپنے بھائیوں اور بہنوں کی امداد کے لیے اپنی کوششیں تیز کریں۔