چیف جسٹس یحییٰ آفریدی شہباز شریف کے بعد کس سے ملاقات کریں گے؟

اسلام آباد(کھوج نیوز) سپریم کورٹ آف پاکستان کے چیف جسٹس یحییٰ آفریدی کل وزیراعظم شہباز شریف کے بعد کس سے ملاقات کریں گے؟ اس حوالے سے تفصیلات سامنے آگئی ہیں۔

تفصیلات کے مطابق چیف جسٹس پاکستان یحیی آفریدی سے سپریم کورٹ بار ایسو سی ایشن کے وفد کی ملاقات ہوئی۔ ملاقات کے بعد صدر سپریم کورٹ بار میاں رؤف عطا نے بتایا کہ چیف جسٹس کی وزیراعظم سے ملاقات کے تناظر میں ملے ہیں، چیف جسٹس نے بتایا کہ وہ کل اپوزیشن کے 7 رکنی وفد سے بھی ملیں گے۔ صدر سپریم کورٹ بار کا کہنا تھا کہ چیف جسٹس قومی عدالتی پالیسی ساز کمیٹی سے متعلق تمام اسٹیک ہولڈرز سے مل رہیہیں، سپریم کورٹ بار نے اصلاحات کے عمل میں چیف جسٹس کو مکمل حمایت کا یقین دلایا ہے۔