وفاقی کابینہ کے نئے ارکان کے قلمدانوں کا اعلان کردیا گیا،کون سی وزارت کس کو ملی؟
وفاقی کابینہ کے نئے ارکان کے قلمدانوں کا اعلان کردیا گیا،حنیف عباسی ریلوے، طارق فضل چوہدری پارلیمانی امور، علی پرویز ملک پیٹرولیم
اسلام آباد(کھوج نیوز)وفاقی کابینہ کے نئے ارکان کے قلمدانوں کا اعلان کردیا گیا، حنیف عباسی ریلوے، طارق فضل چوہدری پارلیمانی امور، علی پرویز ملک پیٹرولیم اور خالد حسین مگسی کو وزارت سائنس و ٹیکنالوجی کا قلمدان دیا گیا ہے۔رپورٹ کے مطابق محمد منیر وٹو آبی وسائل، اورنگزیب کھچی قومی ورثہ و ثقافت کے وزیر ہونگے، محمد جنید انور کو بحری امور اور رضا حیات ہراج کو دفاعی پیداوار کی وزارت مل گئی جبکہ سردار یوسف مذہبی امور کے وزیر ہوں گے۔
نوٹیفکیشن کے مطابق شزا فاطمہ وزیر مملکت برائے انفارمیشن ٹیکنالوجی ہوں گی، رانا مبشر اقبال پبلک افیئر یونٹ اور مصطفی کمال وفاقی وزیر صحت ہوں گے۔اس کے علاوہ ملک رشید احمد وزارت قومی غذائی تحفظ، عبدالرحمن کانجو توانائی، عقیل ملک قانون و انصاف کے وزیر مملکت ہوں گے، بلال اظہر کیانی ریلوے، کھئیل داس اقلیتی امور، عون ثقلین اوورسیز کے وزیر مملکت ہوں گے۔
نوٹیفکیشن کے مطابق مختار احمد بھرت صحت، طلال چوہدری داخلہ، وجیہہ قمر تعلیم کی وزیر مملکت ہوں گی۔اس کے علاوہ خواجہ آصف کے پاس اب صرف وزارت دفاع کا قلمدان رہے گا، اعظم نذیر تارڑ وزیر قانون و انصاف اور انسانی حقوق، عبدالعلیم خان وفاقی وزیر مواصلات، مصدق ملک وزیر ماحولیاتی تبدیلی، ڈاکٹر خالد مقبول صدیقی کے پاس وزارت تعلیم، چوہدری سالک کے پاس اوورسیز کی وزارت ہوگی۔
